Helgihald í Guðríðarkirkju um jól og áramót.
Allt helgihald Guðríðarkirkju á jólum og áramótum verður sent út á heimasíðu Guðríðarkirkju, gudridarkirkja.is, og á facebook síðu kirkjunnar, https://www.facebook.com/guðríðarkirkja. Helgihaldið verður með eftirfarandi hætti:
Sunnudaginn 20. des. kl. 11:00 verður tónlistarhelgistund í umsjá Ásbjargar Jónsdóttur og Ástvalds Traustasonar. Sr. Leifur Ragnar Jónsson þjónar fyrir altari.
Á aðfangadag verður sendur út aftansöngur kl. 18:00. Sr. Karl V. Matthíasson þjónar fyrir altari og Sr. Leifur Ragnar Jónsson prédikar. Sr. Pétur Ragnhildarson les ritningarlestur. Hrönn Helgadóttir organisti leikur undir á orgel kirkjunnar og á fiðlu leikur Sigrún Harðardóttir. Davíð Ólafsson bassi, Hlöðver Sigurðsson tenór, Heiðdís Hanna Sigurðardóttir sópran og Hildigunnur Einarsdóttir mezzósópran syngja.
Þann 26. des.kl. 14:00, annan í jólum, verður send út fjölskyldustund sem Sr. Pétur Ragnhildarson sér um ásamt Ástu Guðrúnu Guðmundsdóttur. Barnarkór Guðríðarkirkju syngur undir stjórn Ásbjargar Jónsdóttur barnakórsstjóra.
Á Gamlársdag verður send út guðsþjónusta kl. 18:00. Sr. Leifur Ragnar Jónsson þjónar fyrir altari og Sr. Karl V. Matthíasson prédikar. Hrönn Helgadóttir organisti leikur undir á orgel kirkjunnar og á fiðlu leikur Sigrún Harðardóttir. Davíð Ólafsson bassi, Hlöðver Sigurðsson tenór, Heiðdís Hanna Sigurðardóttir sópran og Hildigunnur Einarsdóttir mezzósópran syngja.
Á Aðfangadag og Gamlársdag verður kirkjan opin milli kl. 14 – 16 og er fólk velkomið að líta við og eiga kyrrðarstund í kirkjunni. Prestar kirkjunnar verða á staðnum og gæta að fjöldatakmörkunum og geta einnig verið fólki innanhandar bænagjörð.
Gleðileg jól.
Starfsfólk Guðríðarkirkju.