Barnastarfið hefst að nýju eftir jólafrí

//Barnastarfið hefst að nýju eftir jólafrí

Barnastarf Grafarholtssóknar er nú að hefjast aftur eftir jólahlé. Sunnudagaskólinn hófst 6. janúar, Litlir lærisveinar hittast aftur 8. janúar og krakkar í KFUM og KFUK 10. janúar.

Barnastarf Grafarholtssóknar er nú að hefjast aftur eftir jólahlé. Sunnudagaskólinn hófst 6. janúar, Litlir lærisveinar hittast aftur 8. janúar og krakkar í KFUM og KFUK 10. janúar.

Barnakór kirkjunnar hefur fengið nýjan stjórnanda, Berglindi Björgúlfsdóttur, og hefst kórstarfið að nýju í næstu viku. Nánar síðar.

Sunnudagaskólinn er á hverjum sunnudegi kl. 11 fram að sumardeginum fyrsta, nema hvað að annan sunnudag í mánuði renna sunnudagaskólinn og messan saman í fjölskyldumessu á sama tíma.

„Litlir lærisveinar“ nefnist starf kirkjunnar fyrir sex ára börn, sem fram fer í samstarfi við frístundaheimili Sæmundarskóla, Fjósið, alla þriðjudaga kl. 15 á starfstíma Fjóssins.

KFUM&KFUK á Íslandi heldur í samstarfi við kirkjuna úti starfi fyrir 9-12 ára krakka, alla fimmtudaga kl. 17:15-18:30 í Ingunnarskóla, til sumardagsins fyrsta. Strákar í KFUM hittast á svæði 4.-5. bekkjar en stelpur í KFUK hittast á svæði 6.-7. bekkjar. Nánari upplýsingar.

Lesa meira um barnastarfið.

By | 2008-01-08T12:03:57+00:00 8. janúar 2008 | 12:03|